Me anë të një reagimi në rrjetin social Facebook, Kryetar i Partisë së Lirisë, Ilir Meta ka akuzuar Kryeministrin Rama për ndërtimet pa leje.
Ai përmend faktet se Rama ka qenë dhe është i vetmi përgjegjës për këtë që po ndodh me ndërtimet në vend.
Po ashtu, Meta bën edhe një herë thirrje për protestën që do të mbahet ditën e martë, ku në qendër do të jetë afera e Inceneratorëve.
Reagimi
Ky është shtatori i dhjetë që Edi Rama është Kryeministër dhe ende dëgjojmë për “aksione” kundër ndërtimeve pa leje.
Kush i ka lejuar këto ndërtime pa leje në këto 10 vite?
Kush mban përgjegjësi për këtë mungesë kontrolli të territorit sidomos këto katër vitet e fundit kur të gjitha bashkitë i takojnë Rilindjes?
Koha për të shporrur një Qeveri të paligjshme të votave të vjedhura e të blera! Koha për t’i dhënë fund paligjshmërisë si sistem!
Koha për t’i dhënë fund pengmarrjes së qytetarëve dhe biznesmenëve për qëllime shantazhuese dhe elektorale!
Të martën, në ora 18:00, takohemi te “kryevepra” e paligjshmërisë dhe korrupsionit, atje në vendngjarje te inceneratori i Tiranës!
